Հայաստանի պատմության թանգարանում հուլիսի 23-ին տեղի ունեցավ «Դեղին գետի հիշողությունը» խորագիրը կրող միջազգային ցուցադրության պաշտոնական բացման արարողությունը։

Հայաստանի պատմության թանգարանի, Չինաստանի Շանսի թանգարանի և «Հայ-չինական գործընկերության կենտրոն» ՀԿ-ի համագործակցության շնորհիվ առաջին անգամ Հայաստանում ցուցադրվում են Շանսի թանգարանից 50-ից ավելի բրոնզեդարյան բնօրինակ հնագիտական արժեքավոր նմուշներ։

Բացման խոսքով հանդես եկավ Հայաստանի պատմության թանգարանի զարգացման գծով փոխտնօրեն Արուսյակ Ղազարյանը՝ ընգծելով այս բացառիկ ցուցադրության կարևորությունը, որն առաջին անգամ հնարավորություն է տալիս Հայաստանում ներկայացնելու չինական հնագույն մշակույթի նեֆրիտե ժառանգությունը և վերաիմաստավորելու հայ-չինական պատմական փոխառնչությունները «Մետաքսի ճանապարհ»-ի համատեքստում։

Ողջույնի խոսքով հանդես եկան Շանսի թանգարանի փոխտնօրեն՝ Չժաո Չժիմինը և «Հայ-չինական գործընկերության կենտրոն» ՀԿ-ի տնօրեն՝ Արմեն Մխիթարյանը։ Բացման արարողությանը ներկա էին Հայաստանի Հանրապետությունում Իրաքի, Քուվեյթի, Իտալիայի և Լեհաստանի արտակարգ և լիազոր դեսպանները և այլ հյուրեր։

Նախքան ցուցադրության բացումը Չինաստանից ժամանած հյուրերը շրջեցին թանգարանի մշտական ցուցադրության սրահներում և շրջայցի ավարտին իրենց տպավորությունների մասին գրառում կատարեցին թանգարանի Պատվավոր հյուրերի գրքում։

Ցուցադրությունը գործելու է մինչև հոկտեմբերի 23-ը։