ԵՐԵՎԱՆ, ՄԱՅԻՍԻ 18, 24News

Հայկական լեռնաշխարհի մշակութային ժառանգության օմբուդսմեն Հովիկ Ավանեսովը գրում է․

Այսօր ՀՀ կրթության, գիտության, մշակույթի և սպորտի նախարարը հրապարակեց ուղերձ՝ նվիրված Թանգարանների միջազգային օրվան։ Սակայն հրապարակված տեքստում որևէ հիշատակում չկար Արցախի ավելի քան երկու տասնյակ պետական և մասնավոր թանգարանների ու հավաքածուների մասին, որոնք այսօր կանգնած են լիարժեք ոչնչացման վտանգի առաջ։

Ակնհայտորեն անտեսվել էին նաև թանգարանային ոլորտում երկար տարիներ աշխատած արցախցի բազմաթիվ մասնագետները, որոնք մեծ ավանդ ունեն Հայաստանի և Արցախի թանգարանային ժառանգության պահպանման և զարգացման գործում։