ԵՐԵՎԱՆ, ԱՊՐԻԼԻ 17, 24News

Այսօր Թբիլիսիում տեղի է ունենում Ադրբեջանի, Հայաստանի և Վրաստանի փոխարտգործնախարարների հանդիպումը։ Ինչպես հաղորդում է ԱՊԱ-ն, այս մասին Սլովենիայի արտգործնախարարի հետ համատեղ մամուլի ասուլիսում ասել է Ադրբեջանի ԱԳՆ ղեկավար Ջեյհուն Բայրամովը։

Նա նշել է, որ դրան նպաստում են նոր իրողությունները. «Այս հանդիպման ընթացքում քննարկվում են երեք երկրներին հուզող հարցեր, դրանք երկկողմանի հարցեր չեն, քննարկվում են ընդհանուր հետաքրքրություն ներկայացնող հարցեր՝ չշոշափելով մեր միջև բաց հարցերը։

Ընդհանուր առմամբ, նման հարթակի ստեղծումը մենք տեսնում ենք որպես դրական զարգացում»,- ասել է Բայրամովը։

–00—ՅՄ