ԵՐԵՎԱՆ, ԱՊՐԻԼԻ 2, 24News

Գյումրիի արտահերթում 15,8% ստացած «Մեր քաղաքը» ընդդիմադիր դաշինքի ցուցակը գլխավորող Մարտուն Գրիգորյանը որոշում է ընդունել չքվեարկել Վարդան Ղուկասյանի օգտին համայնքապետի պաշտոնում։ Այս մասին հայտնում են 24News-ի աղբյուրները։

Այսպես, մեր տեղեկությունների համաձայն, հիմնական հարցը նրանց ընտանիքների մեջ տարիներ ի վեր ձգվող թշնամական հարաբերություններն են, որոնք պարբերաբար վեր են ածվում կրակոցների։

Գրիգորյանը կարծում է, որ եթե ինքը քվեարկի Ղուկասյանի օգտին, ապա իր անմիջական միջավայրն իրեն չի հասկանա։ Համենայն դեպս ինքը՝ Մարտուն Գրիգորյանը, մինչև այս պահը հրապարակային արել է մի հայտարարություն, որ «ՔՊ-ն չի ունենալու Գյումրիում համայնքապետ», ուստի դեռ պետք է սպասել զարգացումներին ու հնարավոր բանակցություններին՝ այլ ձևաչափ գտնելու համար։ 

Մերի Մանուկյան

–00—ՅՄ