ԵՐԵՎԱՆ, ՍԵՊՏԵՄԲԵՐԻ 18, 24News

Բրիտանական թագավորական ընտանիքը մեծ ջանքեր է գործադրել, որպեսզի Դոնալդ Թրամփի պետական այցի ժամանակ պաշտոնական ընթրին ԱՄՆ նախագահի վրա անմոռանալի տպավորություն թողնի։ Այս մասին հայտնում է BBC-ն։

Ընթրիքը կայացել է Վինձորի պալատի Սուրբ Գևորգի սրահում։ 160 հյուրի համար նախատեսված է եղել ընդհանուր առմամբ 1452 սպասք։ Յուրաքանչյուր հյուրի համար եղել է հինգ բաժակ և գավաթ։

Ընթրիքից հետո մատուցվող խմիչքների ցանկը խորհրդանշական է եղել։ Մատուցվել է 1945 թվականի պորտվեյն՝ ի պատիվ Թրամփի՝ որպես ԱՄՆ 45-րդ նախագահի, թեև ինքը Թրամփը չի խմում։

Եղել է նաև 1912 թվականի կոնյակ՝ այն տարի, երբ Շոտլանդիայի Լյուիս կղզու գյուղերից մեկում ծնվել էր Մերի Էնն Մակլաուդը՝ Դոնալդ Թրամփի ապագա մայրը։