ԵՐԵՎԱՆ, ՍԵՊՏԵՄԲԵՐԻ 16, 24News

Թուրքիայի նախագահ Ռեջեփ Թայիփ Էրդողանը Դոհայում հանդիպել է Սիրիայի անցումային շրջանի նախագահ Ահմեդ Շարայի հետ։ Հանդիպումը կայացել է «Իսլամական համագործակցության կազմակերպության» և Արաբական լիգայի արտահերթ համատեղ գագաթնաժողովի շրջանակում։ Հայտնում է Ermenihaber.am-ը։

Կողմերը քննարկել են երկկողմ հարաբերությունները և տարածաշրջանային հարցերը։ Էրդողանը հայտնել է, որ Շարայի մասնակցությունը ՄԱԿ-ի Գլխավոր ասամբլեայի նիստին ունի պատմական նշանակություն։ Էրդողանը նաև նշել է, որ Թուրքիան կշարունակի աջակցել Սիրիային։ Ըստ նրա՝ աշխատանքներ են տարվում երկկողմ հարաբերությունների զարգացման ուղղությամբ։

Թուրքիայի նախագահը նաև կարևորել է Սիրիայի միասնությունն ու ամբողջականությունը և նշել, որ  իրենք քայլեր են ձեռնարկում Սիրիայում տարբեր տարրերին միավորելու համար։

–00—ՅՄ