ԵՐԵՎԱՆ, ՕԳՈՍՏՈՍԻ 29, 24News

ՄԱԿ-ում Իրանի մշտական ներկայացուցիչ Ամիր Սաիդ Իրավանին հայտարարել է, որ Թեհրանի միջուկային ծրագրի վերաբերյալ «Եվրաեռյակի» առաջարկը լի է անիրատեսական նախապայմաններով։

Նրանք առաջ են քաշում պայմաններ, որոնք պետք է դառնան բանակցությունների արդյունք, այլ ոչ թե ելակետ, և նրանք գիտեն, որ այդ պահանջները չեն կարող կատարվել, նրա խոսքերն է մեջբերում Reuters-ը:

Ավելի վաղ Եվրամիության երկրների ներկայացուցիչները համատեղ հայտարարության մեջ առաջարկել էին հետաձգել պատժամիջոցների վերականգնումը մինչև 6 ամսով, պայմանով, որ Իրանը կվերականգնի ՄԱԳԱՏԷ-ի տեսուչների մուտքը միջուկային օբյեկտներ, կկարգավորի հարստացված ուրանի պաշարների հարցը և բանակցություններ կսկսի ԱՄՆ-ի հետ:

—00—ՍՊ