ՀԱԿ փոխնախագահ Լևոն Զուրաբյանը գրում է․ «Ես ուզում եմ ցավակցություն հայտնել մեր ամբողջ ժողովրդին` Նիկոլ Փաշինյանի և այսպիսի նիկոլատիպ պատուհասներին որպես ղեկավար ունենալու կապակցությամբ:

Սրանք ստել են ամեն ինչում:

– 2019-2020-ին ասել են, որ բանակցությունների սեղանին խաղաղության փաստաթուղթ չկա, պարզվեց` սուտ էր:

– Ասում էին «Արցախը Հայաստան է, և վե´րջ», Փաշինյանի օգոստոսի 23-ի գրառումից պարզվեց` էն գլխից պլանավորում էին Արցախի ոչնչացումը, որպեսզի «հաշտություն» կնքեն Ադրբեջանի հետ:

– Նոյեմբերի 8-ին ասում էին` հաղթում ենք, նոյեմբերի 9-ին ստորագրում կապիտուլյացիա:

– ասում էին` «խաղաղության դարաշրջան» ա` տալիս էին ՀՀ սուվերեն տարածքները Սյունիքում:

– և այլն, և այլն (լրիվ ցուղակը մի օր կհրապարակենք):

Հիմա էս ստախոս կառավարությունը զարմանում ա, թե ինչու չենք հավատում իրենց ասածներին մի պարագայում, երբ ԱՄՆ նախագահը հուշագրերի ստորագրման ժամանակ պմդում ա, որ իրենք խոստացել են 99 տարով Զանգեզուրի միջանցք տրամադրել:

Ընդդիմության սուրբ պարտավորությունն է, հատկապես սերիական ստախոս կառավարության դեպքում, միշտ լինել նման կառավարության բոլոր հայտարարությունների և քայլերի նկատմամբ ծայրահեղ կասկածամիտ, միշտ պահել այս ստախոս մանիպուլյատորներին լուսարձակի լույսի ներքո, պահանջել բոլոր պայմանավորվածությունների հրապարակումը, քանի դեռ այս պատուհաս ստախոսները վռնդված չեն ղեկավարների իրենց պաշտոնից:

Իսկ նախորդ գրառման մեջ հնչեցված հարցերը միևնույն է մնում են ուժի մեջ»:

—00—ՍՊ