ԵՐԵՎԱՆ, ՕԳՈՍՏՈՍԻ 21, 24News

Ուկրաինայի նախագահ Վոլոդիմիր Զելենսկին հայտնել է, որ ՌԴ նախագահ Վլադիմիր Պուտինի հետ հանդիպման հնարավոր վայրերը կարող են լինել Թուրքիան, Ավստրիան կամ Շվեյցարիան։ Այս մասին հայտնում է Ermenihaber.am-ը։

Նա հավելել է, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։

Զելենսկին զուգահեռ ընդգծել է, որ Մոսկվայից պատերազմն ավարտելու որևէ նշան դեռևս չկա և նշել, որ եթե Պուտինը հրաժարվի հանդիպումից, այդ դեպքում ԱՄՆ-ից ուժեղ արձագանք է ակնկալում։

Ուկրաինայի նախագահի գրասենյակի ղեկավար Անդրեյ Յերմակն էլ հայտնել է, որ Եվրոպայի և ՆԱՏՕ-ի երկրների ազգային անվտանգության խորհրդականների հետ մեկնարկել են անվտանգության երաշխիքների տրամադրմանը և հետագա հարձակումների կանխարգելմանը միտված ամենօրյա համակարգման գործընթաց: