ԵՐԵՎԱՆ, ՕԳՈՍՏՈՍԻ 18, 24News

Ալիևի իրավաբանները Փաշինյանի համար Սահմանադրություն են գրում, բայց չեն կարողանալու հօգուտ իրենց անցկացնել, մարդիկ չեն քվեարկի: 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ՀԱԿ կուսակցության վարչության անդամ, իրավաբան Արմեն Խաչատրյանը:

«Ադրբեջանն ագրեսիայի դուռը բաց է թողնում, այդ խաղաղության պայմանագրով նոր մղձավանջ է սկսվում: Սյունիքի ճանապարհը տրամադրելուց հետո Հայաստանի անունն է մնալու, սուվերենությունը վերանալու է,»,- ընդգծեց Խաչատրյանը:

Անդրադառնալով Միքայել և Բագրատ Սրբազանների ընթացող դատավարություններին՝ իրավաբանը նկատեց, որ փաստական հիմքեր չկան, քննությունը երբ սկսվի, գործերը փլուզվելու են:

«Խայտառակ են լինելու, իրավաբանների վրա ծանր բեռ է դրված, փորձում են մեղադրանքին միս ու արյուն տալ: Ճահիճն ընկած մարդու վիճակում են, ձեռքերն ու ոտքերն են թափ տալիս: Նոր, ծիծաղելի շոուներ են սպասվում, ամոթից գլուխը կախած դատախազներ ենք տեսնելու», – հավելեց բանախոսը:

Հերմինե Միքայելյան
Մանրամասները՝ տեսանյութում։

–00—ԱՊ