ԵՐԵՎԱՆ, ՕԳՈՍՏՈՍԻ 14, 24News

Տիգրան Ուլուբաբյանը հացադուլ է հայտարարում։ Այս մասին հայտարարել է փաստաբան Էրիկ Բեգլարյանը։

Տիգրան Ուլուբաբյանը ծնողազուրկ է երկու կողմից, իսկ նրա ավագ եղբայրը զոհվել է պատերազմի դաշտում։

Հույս ունեմ, որ գոնե այս իրականությունը ձեր համար պատճառ կդառնա Տիգրանի այդ փոքրիկ խնդրանքը կատարելու համար:

Հացադուլի պատճառները հետևյալն են՝

Իր նկատմամբ կալանքի կիրառումը, որն, մեր գնահատմամբ, իրականացվել է առանց բավարար և հիմնավորված ապացույցների։

Քննիչների շահագրգռված վերաբերմունքը՝ նրան պահել ազատությունից զրկված վիճակում, քանի որ, ըստ նրա, իրեն ֆիզիկական բռնության ենթարկած ոստիկանները հանդիսանում են տվյալ քննիչների անձնական շրջապատից։

Երկու անգամ դիմել է քննիչին փոխելու խնդրանքով, սակայն երկուսն էլ մերժվել են՝ առանց բավարար հիմնավորման։

Իր գործով քննիչների կողմից չի դրսևորվում պատշաճ ջանասիրություն, ինչի հետևանքով քննության ընթացքը դանդաղում է և կասկած է հարուցում քննության անաչառության վերաբերյալ։

—00—ՄԱ