ԵՐԵՎԱՆ, ՕԳՈՍՏՈՍԻ 11, 24News

ՀՀ-ում Հնդկաստանի դեսպանը մեկնել է Իջևան՝ տեղում պարզելու հնդիկ աշխատողների կողմից աշխատավարձի բարձրացում պահանջող գործադուլի շուրջ ստեղծված իրավիճակը, SputnikARM-ին ասել է Իջ Գրանդ տեքստիլ գործարանի տնօրեն Մհեր Միրզոյանը։

Այս պահին դեսպան Նիլակշի Սահա Սինհան հանդիպում է անցկացնում իր հայրենակիցների հետ։

Ավելի վաղ Միրզոյանը մեզ հայտնել էր, որ գործարանում աշխատում է 205 մարդ, և նրանց հետ կնքվել է երեք տարվա աշխատանքային պայմանագիր։ Սակայն այժմ աշխատակիցները ցանկանում են վերականգնվել նոր պայմաններում՝ նրանք պահանջում են աշխատավարձի բարձրացում և աշխատանքային ժամերի կրճատում։

—00—ՄԱ