ԵՐԵՎԱՆ, ՕԳՈՍՏՈՍԻ 9, 24News

Ամերիկայի Միացյալ Նահանգներում Հայաստանի դեսպան Լիլիթ Մակունցն անդրադարձել է Վաշինգտոնում օգոստոսի 8-ին կայացած եռակողմ հանդիպմանը՝ Հայաստանի վարչապետ Նիկոլ Փաշինյանի, ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի մասնակցությամբ։ «Արմենպրես»-ի փոխանցմամբ՝ X-ի իր միկրոբլոգում կատարած գրառմամբ Մակունցը պատմական է գնահատել այդ հանդիպման արդյունքները։

«Պատմական օր՝ երկարատև խաղաղության ճանապարհին։ Խաղաղության, համագործակցության և կայունության նոր գլուխ Հարավային Կովկասում։ Սա տոնական օր է՝ մեր տարածաշրջանի համար խաղաղության խոստմամբ, որն արժանի է դրան»,- գրել է Մակունցը՝ շնորհակալություն հայտնելով ԱՄՆ նախագահ Դոնալդ Թրամփին անձնական ներգրավվածության և գրանցված անհավանական արդյունքի համար։

–00—ՅՄ