ԵՐԵՎԱՆ, ՕԳՈՍՏՈՍԻ 8, 24News

Հինգշաբթի Լոս Անջելեսի հյուսիսում բռնկված «Canyon Fire» հրդեհը մի քանի ժամում տարածվել է ավելի քան 2.3 քառակուսի մղոնով՝ ստիպելով հազարավոր մարդկանց տարհանվել։ Այս մասին հայտնում է CNN-ը։

Հրդեհը շարունակում է տարածվել դեպի արևելք։ Այրվել է Lake Piru ջրամբարի հարավային տարածքը՝ Los Padres ազգային պրկում։ Այս տարածքը մոտ է Lake Castaic հանգստյան գոտուն, որն այս տարվա հունվարին արդեն տուժել էր Hughes Fire հրդեհից, երբ ընդամենը վեց ժամում այրվել էր շուրջ 15 քառակուսի մղոն տարածք և հանգեցրել շուրջ 50.000 մարդու տարհանման։

4200 բնակիչ և 1400 շինություն գտնվում են տարհանման հրամանի տակ, իսկ ևս 12500 մարդ՝ նախազգուշացման ռեժիմում։ Տեղում գործում են 250 հրշեջ՝ ուղղաթիռների և օդային աջակցությամբ։

—00—ՄԱ