ԵՐԵՎԱՆ, ՕԳՈՍՏՈՍԻ 6, 24News

Ֆրանսիայի հարավային Օդի դեպարտամենտում անտառային հրդեհներ են մոլեգնում. մեկ մարդ զոհվել է, ինը՝ տուժել: «Արմենպրես»-ի փոխանցմամբ՝ այս մասին հաղորդել է BFM TV-ն։

Հրդեհների մարմանը գործի են դրվել շուրջ 1800 հրշեջ և մասնագիտացված ավիացիա։

Նշվում է, որ կրակն արագ է տարածվում. վերջին 12 ժամվա ընթացքում այն ոչնչացրել է 11 000 հեկտար անտառային տարածք, ինչը համեմատելի է Փարիզի տարածքի հետ։

Փրկարարները տարհանում են այրվող անտառների մերձակայքում գտնվող տասնյակ բնակավայրերի բնակիչների։ Մի շարք ավտոմոբիլային ճանապարհներ փակվել են։

–00—ՅՄ