ԵՐԵՎԱՆ, ՀՈՒԼԻՍԻ 31, 24News

ԲՏԱ նախարար Մխիթար Հայրապետյանն այսօր ընդունել է ՀՀ-ում ՅՈՒՆԻՍԵՖ-ի ներկայացուցիչներին՝ Քրիսթինե Վայգանդի գլխավորությամբ: Այս մասին Հայրապետյանը գրել է ֆեյսբուքի էջում:

«Հանդիպման ընթացքում խոսել ենք առցանց միջավայրում անչափահասների անվտանգության և իրավունքների պաշտպանության ուղղությամբ տարվող աշխատանքների մասին, մասնավորապես, անդրադարձ է կատարվել երեխաների առցանց անվտանգության ճանապարհային քարտեզին։

Շնորհակալություն եմ հայտնել ՅՈՒՆԻՍԵՖ-ին համագործակցության համար, որի հետ համատեղ ձեռնարկում ենք արդյունավետ քայլեր՝ նպատակ ունենալով ապահով թվային միջավայր ստեղծել մեր երեխաների համար»,- գրել է նա:

–00—ՅՄ