ԵՐԵՎԱՆ, ՀՈՒԼԻՍԻ 26, 24News

Սամվել Ֆարմանյանը ֆեյսբուքյան իր էջում գրում է.

«Մտածելու բան է. Նախորդ խոշորագույն հեղափոխությունը՝ գրատպության գյուտը օգնեց հայությանը՝ կրթվել ու զարգանալ, պետականազուրկ վիճակում վերագտնել ու ցեմենտել հավաքական ինքնությունը, ընթանալ համաշխարհային թրենդներին համաքայլ, կրկին դառնալ համաշխարհային քաղաքակրթության փոքր երակներից մեկը, ձևկերպել ու հաջորդ սերունդներին փոխանցել մեր հավաքական շահերը:

Ու դա արեց էլիտան՝ հայ վաճառականությունը, հոգևորականությունը, մտավորականությունն ու մյուսները…

Վերջին հեղափոխությունը՝ ինտերնետի գյուտը, սոցցանցերն ու ինֆորմացիոն հեղափոխությունը ճիշտ հակառակ էֆեկտն ունեցան՝ փշրելով մեր ինքնությունն ու կործանման հասցնելով հայ ժողովրդին:

Այսօր՝ համացանցի դարում, Հայաստանում մարդկանց միավորող միակ գաղափարը մնացել է ՓՈՂԸ: Միայն ՓՈՂԸ: Անգամ ոչ մեր հավաքական անվտանգությունն ու ապահովությունը: Շատ վիրավորական է հնչում, բայց իրար չխաբենք, այսօր դա այդպես է:

Ու դա մեր էլիտա կոչվածի ձախողումն էր: Նոր էպոխան չհասկացած, փողապաշտ, անկիրթ, աներազանք ու համաշխարհային ինֆորմացիոն հեղափոխությանն անպատրաստ էլիտայի դավաճանության հետևանքն էր»:

—00—ՄԱ