ԵՐԵՎԱՆ, ՀՈՒԼԻՍԻ 23, 24News

Երեկ՝ հուլիսի 22-ին, ավտովթար է տեղի ունեցել Գեղարքունիքի մարզում։ Ժամը 20։20-ի սահմաններում Ծովագյուղ-Շորժա Մ10 ավտոճանապարհի 1-ին կմ հատվածում Սյունիքի մարզի բնակիչ 32-ամյա Գրիշա Կիրակոսյանը իր վարած «Iveco» մակնիշի կցորդիչով բեռնատարով դուրս է եկել ճանապարհի երթևեկելի գոտուց և հայտնվել ձորակում։

Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների բարեբախտաբար տուժածներ չկան։

Տարածքը սահմանազատել են նույն վաշտի պարեկներ Շահեն Քոչարյանը և Ալեք Ենգոյանը։

Վթարի փաստով ՊԾ Գեղարքունիքի մարզի գումարտակում փաստաթղթեր են ձևակերպվում։Գ․ Շամշյանի տեղեկություններով՝ դեպքի վայրում վարորդը ոստիկաններին հայտնել է, որ վթարի պատճառը եղել է բեռնատարի դիմացի անվադողի վնասվելը։

—00—ՄԱ