ԵՐԵՎԱՆ, ՀՈՒԼԻՍԻ 20, 24News

Միլանի «Ինտերը» չի պատրաստվում վաճառել հարձակվող Մարկուս Թյուրամին ընթացիկ տրանսֆերային պատուհանի ընթացքում։ 27-ամյա ֆուտբոլիստի նկատմամբ հետաքրքրություն են ցուցաբերում մի քանի անգլիական ակումբներ, սակայն տրանսֆեր առաջիկայում չի սպասվում։

«Թյուրամը տրանսֆերի չի հանվի այս ամռանը։ Բացարձակապես ոչ մի շանս չկա»,– «ներաձուրիի» մարզական տնօրեն Պիերո Աուսիլիոյի խոսքերն է մեջբերում ինսայդեր Ֆաբրիցիո Ռոմանոն։

Մարկուս Թյուրամը 2024/25 մրցաշրջանում «Ինտերի» կազմում մասնակցել է 50 հանդիպման՝ դառնալով 18 գոլի և 9 գոլային փոխանցման հեղինակ։ Նրա ներկայիս պայմանագիրն ուժի մեջ է մինչև 2028 թվականի կեսերը։

Transfermarkt պորտալի տվյալներով՝ ֆրանսիացի հարձակողի տրանսֆերային արժեքը գնահատվում է 75 միլիոն եվրո։

–00—ՅՄ