ԵՐԵՎԱՆ, ՀՈՒԼԻՍԻ 20, 24News

Սաուդյան Արաբիայում մահացել է իշխող ընտանիքի արքայազնը, հաղորդում է սաուդյան լրատվական գործակալությունը։

«Նորին Թագավորական Մեծություն արքայազն Ալվալիդ բին Խալիդ բին Թալալ բին Աբդուլազիզ Ալ Սաուդը մահացել է։ Նրա հուղարկավորությունը տեղի կունենա կիրակի», – ասվում է հայտարարության մեջ։

Մահացածը, որը հայտնի է նաև որպես «քնած արքայազն», 20 տարի անցկացրել է կոմայի մեջ։

2005 թվականին նա ավտովթարի է ենթարկվել և գլխի ծանր վնասվածք ստացել, որի պատճառով կոմայի մեջ է ընկել։

Այս ամբողջ ընթացքում նրա հարազատները արքայազնին աջակցել են արհեստական շնչառության սարքի միջոցով։

–00—ՅՄ