ԵՐԵՎԱՆ, ՀՈՒԼԻՍԻ 19, 24News

Հայաստանը Սյունիքի ճանապարհի հարցում հարսնացուի կեցվածք է ընդունել։ Փեսացուների մոտ խունջիկ – մունջիկ է լինում Երևանը, թե ով շատ գումար կտա։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց Գերագույն խորհրդի պատգամավոր Ազատ Արշակյանը։

Բանախոսի կարծիքով, Հայաստանը եթե որոշել է ճանապարհը տալ ԱՄՆ-ին, պետք է երաշխիքներ ստանա, որովհետև նրանք մի օր կարող են մեր տարածքը ծախել և գնալ։

«ԱՄՆ-ն իր դաշնակցին՝ Թուրքիային, սիրաշահում է, ասում է՝ հայերին կհամոզեմ, թող ճանապարհ բացվի, դուրս եկեք Միջին Ասիա, մեր հաշվին նրանց լավություն է անում։ Մեզանից ճանապարհը խլխլում են, Փաշինյանն ասում է՝ ինքնությունս պահպանեմ, կինդ կլինեմ, բայց ազգանունս չեմ փոխի, փեսացուն ասում է՝ հայրանունդ էլ պետք է փոխես»,- հավելեց Արշակյանը։

Հերմինե Միքայելյան

Մանրամասները՝ տեսանյութում։