ԵՐԵՎԱՆ, ՀՈՒԼԻՍԻ 15, 24News

Փաշինյանը գնացել էր Բրյուսել և Փարիզ, որպեսզի վերընտրվելու համար աջակցություն ստանա։ Նա քարտ-բլանշ ստացավ ընդդիմությանը և Եկեղեցուն բռնաճնշելու համար։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց «Վերելք» տեղեկատվական – վերլուծական կենտրոնի քաղաքական մեկնաբան Հայկ Խալաթյանը։

«Փաշինյանը ցույց է տալիս, որ գնում ենք դեպի Արևմուտք, բայց գնում ենք Թուրքիա, նրանց ազդեցությունն է այստեղ ուժեղանում։ Հայ հասարակությանը պատրաստում են Սյունիքի ճանապարհն այլ ընկերության վերահսկողությանը տալուն։ Հաջորդը հարվածի տակ է լինելու «Գազպրոմ Արմենիան» ու «Հարավկովկասյան երկաթուղին»։ ՌԴ-ի հետ առճակատման վերջնական փուլ ենք մտնում։ Եթե ռուսական ռազմաբազան դուրս բերվի Հայաստանից, Թուրքիայի ու Ադրբեջանի դեմ միայնակ ենք մնալու, դիմադրելու հնարավորություն չունենալով՝ նրանց ցանկացած պահանջ կատարելու ենք»,- ընդգծեց Խալաթյանը։

Հերմինե Միքայելյան
Մանրամասները՝ տեսանյութում:

–00—ԱՊ