ԵՐԵՎԱՆ, ՀՈՒԼԻՍԻ 13, 24News

Երեկ՝ հուլիսի 12-ին, արտակարգ դեպք է տեղի ունեցել Երևանում։ Ժամը 22:30-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Կենտրոն վարչական շրջանի Խորենացի 20 շենքի բակում հսկայական ծառի ճյուղը կոտրվել ու ընկել է կայանված ավտոմեքենաների վրա։

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են Երևանի թիվ 3-րդ հրշեջ-փրկարարական ջոկատից 1 մարտական հաշվարկ և ՀՀ ՆԳՆ ոստիկանության Պարեկային ծառայության Երևան քաղաքի գնդի 2-րդ գումարտակի պարեկները։Տեղում պարզվել է, որ ճյուղի կոտրվելու հետևանքով վնասվել են նաև էլեկտրականության և ինտերնետի լարերը և կայանված «Hyundai» և «Fit» մակնիշի ավտոմեքենաները։Ըստ նախնական տեղեկությունների՝ բարեբախտաբար տուժածներ չկան։

Օպերատիվորեն ժամանել են նաև Հայաստանի էլեկտրական ցանցեր ընկերության և Ucom կապի աշխատակիցները, սակայն վերջիններս ոչ մի գործողություն չկարողացան անել, քանի որ Երևանի քաղաքապետարանի Կանաչապատման և շրջակա միջավայրի պահպանության ՀՈԱԿ-ի աշխատակիցներն այդպես էլ չժամանեցին դեպքի վայր, որպեսզի ծառը հատուկ էլեկտրական սղոցներով մասնատեն։

Մանրամասները՝ սկզբնաղբյուր կայքում