ԵՐԵՎԱՆ, ՀՈՒԼԻՍԻ 10, 24News

Առավոտ 8-ն էր, մոտ 10 հոգի ներկայացան ԱԱԾ-ից, պարզ ասեցի՝ տղերք, ամոթ ա, ջրի վրա քրեական գործ հարուցելը ո՞րն է։ Այս մասին լրագրողների հետ զրույցում ասաց ԱԺ «Հայաստան» խմբակցության պատգամավոր Գեղամ Մանուկյանը։

Հիշեցնենք, որ վաղ առավոտյան խուզարկություններ են իրականացվել Մանուկյանի, ինչպես նաև ՀՅԴ Հայաստանի Գերագույն մարմնի աշխատակազմի ղեկավար Վահագն Մատինյանի տանը։

«Մեր երիտասարդներից մեկը, որ «радиолюбитель» է` էլեկտրոնիկա է սիրում, նաև մեր երիտասարդականից է, գիտեք՝ տարբեր բանակումներ ենք անում, տարբեր ռազմախաղեր ենք անում, Երևանում էլ կան բազմաթիվ խանութներ, որտեղ վաճառում են փոքր գնդիկներով, դիմակներով ռազմախաղ։ Դրանց մեջ կան պլաստմասե գնդիկներով, որ պայթեցնում են խաղերի ժամանակ, որ ավելորդ ծախսեր չանելու համար սիսեռ են լցնում։ Դա գտել են ու համարել են ահաբեկչության նախապատրաստություն»,- ասաց նա։։

Մանրամասները՝ տեսանյութում։

–00—ՅՄ