ԵՐԵՎԱՆ, ՀՈՒԼԻՍԻ 8, 24News

«Կրասնոդարի» սկաուտական բաժնի ղեկավար Մաքսիմ Բուզնիկինը «Матч ТВ»-ին տված հարցազրույցում նշել է, որ հնարավոր են խորհրդակցություններ «Լիդսի» հետ կիսապաշտպան Էդուարդ Սպերցյանի տրանսֆերի վերաբերյալ։ Այս մասին գրում է armsport.am-ը։

2024/25 մրցաշրջանում «Կրասնոդարի» սան Սպերցյանը մասնակցել է 35 խաղի՝ բոլոր մրցաշարերում խփելով 11 գոլ և կատարելով 6 գոլային փոխանցում։

— Լուրեր են պտտվում, որ Սպերցյանը մոտ է «Լիդս» տեղափոխվելուն։ Կա՞ն արդյոք խոչընդոտներ այդ տրանսֆերի համար։

— Դուք գիտեք այդ լուրերի աղբյուրը։ Այնտեղ աշխատում է Ֆարկեն, ով լավ ճանաչում է Սպերցյանին։ Բնական է, որ սա կարող է կապված լինել խորհրդակցությունների հետ։ Սակայն ներկա պահին ակումբների միջև պաշտոնական առաջարկ չկա։ Եկեք սպասենք, — ասել է Բուզնիկինը։

—00—ՄԱ