«Երկուշաբթի, 7 Յուլիս 2025-ի առաւօտուն, Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեան, Ազգ. Առաջնորդարանի իր գրասենեակէն ներս ընդունեց Քեսապի հոգեւոր տեսուչ Հոգշ. Տ. Եսայի Վրդ. Էօրտէքեանը, որ յատուկ առաքելութեամբ ժամանելով Հալէպ, այցելեց Սրբազան Հօր՝ անոր օրհնութիւնը ստանալու եւ յառաջիկայ տօնական օրերուն կապուած աշխատանքներուն մասին զեկուցելու։

Սրբազան Հայրը մօտէն հետաքրքրուեցաւ Քեսապի շրջանը տագնապեցնող անտառներու բոցավառման վտանգին մասին եւ աղօթեց, որ շուտով կարողանան շիջանել կրակը։

Սրբազան Հայրը իր հայրական օրհնութիւնները փոխանցելով, գնահատեց հոգեւոր տեսուչին, թաղականութեան եւ բոլոր ծառայողներուն եկեղեցանուէր եւ ազգօգուտ գործունէութիւնը եւ յաջողութիւն մաղթեց յառաջիկայ ծրագիրներուն»։