ԵՐԵՎԱՆ, ՀՈՒԼԻՍԻ 7, 24News

Տեղեկություն էր տարածվել, որ ձերբակալվել են «Միասնական Վարդենիս» խմբակցության անդամ Դավիթ Շահնազարյանն ու Սոթքի ղեկավար Սևակ Խաչատրյանը: 24News-ի հարցմանն ի պատասխան՝ Հակակոռուպցիոն կոմիտեից հերքեցին, որ նշված անձինք ձերբակալվել են.

«Նշված անձանց մասնակցությամբ Հակակոռուպցիոն կոմիտեում քննվող քրեական վարույթի շրջանակներում կատարվում են քննչական գործողություններ, նրանք ձերբակալված չեն»,- հայտնեցին կոմիտեից:

Սոթքի ղեկավար Սևակ Խաչատրյանն էլ 24News-ի հետ զրույցում ասաց, որ տեղյակ չէ՝ ինչ գործի շրջանակներում է հրավիրվել հարցաքննության.

«Չհասկացա, թե ինչու տարածեցին, որ ձերբակալվել եմ, ինչ են ուզում արած լինեն: Ես խնդիր չեմ տեսնում գնալ, ներկայանալ հարցաքննության»,- ասաց Խաչատրյանը, նշելով, որ դեռ չի հարցաքննվել:

Մերի Մանուկյան

–00—ՅՄ