ԵՐԵՎԱՆ, ՀՈՒՆԻՍԻ 27, 24News

Երրորդ երկրների հետ ԵԱՏՄ-ի ազատ առևտրի գոտիների ստեղծումը կարևորագույն գործիք է միջազգային ասպարեզում միավորման անդամ երկրների ընդհանուր շահերի խթանման համար:

Այս մասին Բելառուսի նախագահ Ալեքսանդր Լուկաշենկոն հայտարարել է Եվրասիական տնտեսական բարձրագույն խորհրդի նեղ կազմով անցկացվող նիստում: «Արմենպրես»-ի փոխանցմամբ՝ այս մասին հաղորդում է ՏԱՍՍ-ը։

«Մենք պետք է շարունակենք համակարգված աշխատանքը՝ կապելու մեր միության ներուժը խոշորագույն միջազգային միավորումների ու նախաձեռնությունների հնարավորությունների հետ, որոնց հետ մենք ընդհանուր կանոնադրական արժեքներ ունենք: Միջազգային ասպարեզում անդամ երկրների ընդհանուր շահերը խթանելու կարևորագույն գործիքը միության երրորդ երկրների հետ ազատ առևտրի գոտիների ստեղծումն է», – ասել է նա:

Նախագահը հիշեցրել է, որ հունիսի 27-ին խորհրդի նիստի շրջանակներում կստորագրվեն ժամանակավոր առևտրային համաձայնագիր Մոնղոլիայի հետ և տնտեսական գործընկերության շուրջ համաձայնագիր՝ ԱՄԷ-ի հետ:

Նրա խոսքով՝ միության հետ համաձայնագրեր կնքած երկրների կազմի ընդլայնումը հաստատում է ԵԱՏՄ-ի գործունեության միջազգային վեկտորի ճիշտ լինելը։

—00—ՄԱ