ԵՐԵՎԱՆ, ՀՈՒՆԻՍԻ 21, 24News

Մամուլում տարածվող տեղեկատվությունը, թե իբր Արցախի նախկին նախագահ Սամվել Շահրամանյանը կկալանավորվի, չի համապատասխանում իրականությանը:  Այս մասին 24News-ի հետ զրույցում ասաց Շահրամանյանի փաստաբան Ռոման Երիցյանը:

Նշենք, որ այս պահին Արցախի նախկին նախագահ Սամվել Շահրամանյանը Քննչական կոմիտեում հարցաքննվում է:

Նա հարցաքննվում է «Զինվորական պաշտոնեական անփութության», «Մարտ վարելու միջոցները հակառակորդին հանձնելու կամ թողնելու» հոդվածներով նախաձեռնված քրեական վարույթի շրջանակներում: Շահրամանյանն ունի վկայի կարգավիճակ:

Նշենք, որ քրեական վարույթը նախաձեռնվել է դեռևս 2023 թվականին, և միայն երկու տարի անց է Սամվել Շահրամանյանը առաջին անգամ հարցաքննվում, այնինչ պետք է լիներ ամենաառաջին հարցաքննվողների ցանկում:

Տեղեկացնենք նաև, որ գործը հարուցվել է Սամվել Բաբայանի՝ Հանրային հեռուստաընկերության եթերում հնչեցրած հայտարարությունների և հոկտեմբերի 6-ին ներկայացրած հաղորդման հիման վրա:

Մերի Մանուկյան

–00—ՅՄ