ԵՐԵՎԱՆ, ՀՈՒՆԻՍԻ 14, 24News

Իրանը կարծում է, որ ԱՄՆ-ի հետ բանակցությունները անիմաստ են, քանի դեռ շարունակվում է Իսրայելի ագրեսիան։ Այս մասին հայտարարել է Իսլամական Հանրապետության արտաքին գործերի նախարարության խոսնակ Էսմայիլ Բաղային:

«Դիվանագիտության և խաղաղության թշնամիները դաժան պատերազմ են պարտադրել իրանական ժողովրդին, և ԱՄՆ-ն, չնայած երկխոսության և դիվանագիտության մասին բոլոր հայտարարություններին, աջակցել է սիոնիստական ​​ռեժիմի ագրեսիային, որն ուղղված է նաև Իրանի քաղաքացիական միջուկային օբյեկտներին։ Ակնհայտ է, որ նման պայմաններում և մինչև սիոնիստական ​​ռեժիմի ագրեսիայի դադարեցումը Իրանի ժողովրդի դեմ, անիմաստ է երկխոսություն վարել այն կողմի հետ, որը ագրեսորի ամենամեծ կողմնակիցն ու հանցակիցն է», – Բաղայիի խոսքերն է մեջբերում Իրանի արտաքին գործերի նախարարությունը։ «Ստեղծված իրավիճակում մեր գլխավոր նպատակը թշնամու ագրեսիային հակազդելն է», – հավելել է նա։

–00—ՄԱ