Ճամբարակում վերջին հրաժեշտն են տվել աղետի հետևանքով զոհված բնակիչներին

13/06/2025 21:29 Ներքին կյանք

ԵՐԵՎԱՆ, ՀՈՒՆԻՍԻ 13, 24News

Ճամբարակում վերջին հրաժեշտն են տվել 11. 06. 2025թ տեղի ունեցած աղետի հետևանքով զոհված բնակիչներին։ Հայտնում են Ճամբարակի համայնքապետարանից։

Հիշեցնենք՝ 2025 թվականի հունիսի 11-ին Ճամբարակ քաղաքի Տիգրան Մեծի փողոցի 4-րդ շենքում տեղի ունեցած պայթյունի հետևանքով փլուզում է տեղի ունեցել։

Պայթյունի հետևանքով 3 անձ մահացել է, 7 չափահաս և 4 անչափահաս անձինք տարբեր մարմնական վնասվածքներով տեղափոխվել են Ճամբարակի առողջության կենտրոն:

Նախաքննության ընթացքում նշանակվել են համալիր փորձաքննություն, դիակի դատաբժշկական փորձաքննություններ:

–00—ՍՊ