ԵՐԵՎԱՆ, ՀՈՒՆԻՍԻ 6, 24News

Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնի ծառայողները, իրացնելով ստացված օպերատիվ տեղեկությունները, «Նուբարաշեն» քրեակատարողական հիմնարկի անվտանգության ապահովման բաժնի ծառայողների հետ համատեղ խուզարկության են ենթարկել կալանավորված անձի մոտ տեսակցության եկած քաղաքացի Գ․Բ․-ին։

Արդյունքում՝ Գ․Բ․-ի տաբատի գոտկատեղում պատրաստված թաքստոցից ծառայողները հայտնաբերել են 2 փաթեթ, որոնցում առկա են եղել մարիխուանա տեսակի թմրամիջոցին նմանվող, ընդհանուր 0,95 գրամ, առանձնացված զանգվածներ։

Գ․Բ․-ն ձերբակալվել է օպերատիվ ծառայողների կողմից և ներկայացվել ՀՀ ՔԿ Երևան քաղաքի Էրեբունի և Նուբարաշեն վարչական շրջանների քննչական բաժին։

–00—ՅՄ