ԵՐԵՎԱՆ, ՀՈՒՆԻՍԻ 6, 24News

24News-ի տեղեկություններով, Սյունիքի մարզի Արավուս գյուղի երկու բնակիչ անցել են հայ-ադրբեջանական շփման գիծն ու հայտնվել հակառակորդի տիրապետության տակ գտնվող տարածքում։

Ըստ մեր տեղեկությունների, նրանք փորձել են հետ բերել գիծը հատած անասուններին, սակայն իրենք են հայտնվել հակառակորդի տարածքում։

Այս պահին պաշտոնական հաստատում մեր տեղեկությունը չունի, սպասում ենք պատկան մարմինների հաստատմանը։

Արավուսի վարչական ղեկավարի ժամանակավոր պաշտոնակատար Թեհմինե Մկրտչյանը մեզ հետ զրույցում ըստ էության չհերքեց այդ տեղեկատվությունը, սակայն հավելյալ մանրամասների համար առաջարկեց դիմել համապատասխան գերատեսչություններին։

–00–ԱՀ