ԵՐԵՎԱՆ, ՀՈՒՆԻՍԻ 4, 24News

Հունիսի 3-ին Տաջիկստանում Հայաստանի դեսպան (նստավայրը՝ Աստանա) Արմեն Ղևոնդյանը հանդիպում է ունեցել Տաջիկստանի Հանրապետության տնտեսական զարգացման և առևտրի նախախարի առաջին տեղակալ Աշուրբոյ Սոլեհզոդայի հետ:

Հանդիպմանը քննարկվել են առևտրատնտեսական ոլորտում երկկողմ փոխգործակցության մի շարք արդի հարցեր՝ համագործակցության հեռանկարային ուղղությունները վերհանելու շեշտադրմամբ:

Հատուկ ուշադրություն է դարձվել 2025 թ. ապրիլի 22-ին Դուշանբեում կայացած՝ Հայաստանի Հանրապետության և Տաջիկստանի Հանրապետության միջև տնտեսական համագործակցության հարցերով միջկառավարական հանձնաժողովի IV նիստի ընթացքում ձեռք բերված պայմանավորվածությունների իրագործման գործընթացին:

Հանդիպման արդյունքներով երկուստեք վերահաստատվել է ի շահ հայ-տաջիկական տնտեսական փոխգործակցության ընդլայնման սերտ համագործակցությունը շարունակելու պատրաստակամությունը:

–00—ՅՄ