Հազարավոր մարդիկ տարհանվել են Գերմանիայի արևմուտքում գտնվող Քյոլն քաղաքի կենտրոնից՝ Երկրորդ համաշխարհային պատերազմի ժամանակների երեք ռումբերի հայտնաբերումից հետո։ «Արմենպրես»-ի փոխանցմամբ՝ այս մասին հաղորդում է Reuters գործակալությունը:

Քաղաքային իշխանությունները սա անվանել են Երկրորդ համաշխարհային պատերազմի ավարտից ի վեր ամենամեծ նման գործողությունը:

1000 մետր շառավղով տարհանման գոտին մաքրվել է առավոտյան ժամը 8-ից՝ ազդելով հին քաղաքի և Դոյց թաղամասի շուրջ 20 500 բնակչի, աշխատողների և հյուրերի վրա:

Երեք ամերիկյան ռումբերը հայտնաբերվել էին հունիսի 2-ին Դոյցում՝ Հռենոս գետի ափին գտնվող աշխույժ տարածքում, շինարարական աշխատանքների ժամանակ:

Գերմանիայում հաճախ են հայտնաբերվում այդ տարիների չպայթած ռումբեր։