ԵՐԵՎԱՆ, ՄԱՅԻՍԻ 21, 24News

e-draft համակարգում երեկվանից շրջանառվում է կառավարության՝ «Համաճարակի և համավարակի պատրաստվածության և արձագանքման պլանը հաստատելու մասին»որոշման նախագիծը:

«Առողջության իրավունք» ՀԿ նախագահ Անուշ Պողոսյանը մի մեջբերում է հրապարակել որոշման հիմնավորումից.

«Վերջին տարիների փորձը, այդ թվում՝ COVID-19 համավարակը, ցույց տվեց, որ համաճարակային և համավարակային իրավիճակների կանխարգելման, արձագանքման և վերականգնման գործընթացները պահանջում են համալիր, համակարգված և ռազմավարական մոտեցում։ Առողջապահական արտակարգ իրավիճակներին պատշաճ արձագանքելու համար անհրաժեշտ է ունենալ միացյալ գործողությունների հստակ ծրագիր, որը սահմանում է պետական մարմինների, տեղական ինքնակառավարման մարմինների, առողջապահական կազմակերպությունների և այլ շահագրգիռ կողմերի գործառույթները, պատասխանատվության շրջանակները և փոխգործակցության մեխանիզմները»ՙ։

Ի դեպ, սա շրջանառվում է համավարակից շուրջ 5 տարի հետո։ Հիշեցնեմ, այս պահին Սևանի Չկալովկա գյուղում Բրուցելյոզի բռնկում է, և ՀՀ առողջապահության նախարարությունը երկու շաբաթ ուշացումով երեկվանից սկսել է բրուցելիոզի դեմ բնակիչների հետազոտությունները։

Հ. Գ. Գնահատելի է, որ այս անգամ 5 տարի չէ»։

–00–ԱՀ