ԵՐԵՎԱՆ, ՄԱՅԻՍԻ 4, 24News

24TV-ի «Ռանդևու» հաղորդման հյուրն է դերասանուհի Ալինա Մարտիրոսյան-Արայանը։

«Խնդիրը հոնորարների ցածր լինելն է, որ այսօր եթերում չկամ, ես արտիստ եմ, ով չունի կայացվածության խնդիր ու դա շատ կարևոր է, որ գնահատված լինեմ», – նկատում է դերասանուհին՝ խոսելով այլևս չնկարահանվելու ու հեռուստաեթերում չլինելու մասին։

Խոսելով հանրության շուջը տիրող իրավիճակի մասին, դերասանուհին նկատում է․

«Ոչ մեկ իր տեղում չէ, ոչ մի բանն իր տեղում չի, ձուկը գլխից է փտած։ մենք բոլորս 2018-ին հավատում էինք, որ մեր երկրում գալու է սիրուն ժամանակաշրջան, բայց չէինք պատկերացնում, որ սենց է լինելու։ Այսօր եթե նրանք չեն ծառայում մեզ, պետք է հեռացնել, բայց չգիտեմ, թե ինչո՞ւ է հասարակությունը լռել»։

Այն քաղաքականությունը, որն այսօր վարվում է մոռացության տալու համար անցյալը, դերասանուհին չի ընդունում ու պարզաբանում է․

«Իմ պապերի, ամուսնուս տոհմի՝ Արա Գեղեցիկի մասին ո՞վ կարող է ասել, որ չհիշեմ, ես փոքրուց դրանով եմ մեծացել, հասկանո՞ւմ եք»։

Անդրադառնալով անձնական կյանքին ու խոսելով հասուն տարիքում կրկին ամուսնանալու և Կարեն Արայանի անվան շուրջ եղած տարակարծությունների մասին, Ալինան նշում է․

«Ոչ ոք ապահովագրված չէ, չես կարող իմանալ, թե վաղն ինչ կարող են սարքել գլխիդ»։

Մանրամասները՝ տեսանյութում։

Ասատուր Ասլանյան

–00–ԱՀ