ԵՐԵՎԱՆ, ԱՊՐԻԼԻ 22, 24News

Հռոմի պապ Ֆրանցիսկոսի հուղարկավորությունը տեղի կունենա շաբաթ օրը՝ ապրիլի 26-ին, հաղորդում է ՏԱՍՍ-ը՝ հղում անելով Վատիկանին։

Նշվում է, որ Հռոմի պապի հուղարկավորության արարողությունը տեղի է ունենում նրա մահից հետո չորրորդից վեցերորդ օրվա միջև ընկած ժամանակահատվածում։

Իտալական լրատվամիջոցները ընդգծում են, որ կոնկլավը, որի ժամանակ կընտրվի նոր Հռոմի պապը, պետք է սկսվի մայիսի 6-ից 10-ը։ Միաժամանակ, կոնկլավին կարող է թույլատրվել սկսել ավելի վաղ, եթե բոլոր կարդինալները, ովքեր իրավունք ունեն մասնակցելու Հռոմի պապի ընտրությանը, կարողանան ավելի վաղ ժամանել Վատիկան։

–00—ՅՄ