ԵՐԵՎԱՆ, ԱՊՐԻԼԻ 19, 24News

Այսօր Զատիկ է։ Արցախցու օրացույցում՝ սովորական օր։ Ոչ սեղան, ոչ տոն, ոչ տուն։ Մնացել է լռությունը։ Լռություն, որ զարդարանքի կարիք չունի։

Քաղաքներում մարդիկ նշում են վերածնունդ։ Արցախցու վերածնունդը մնում է դադարեցված՝ ժամանակավոր կորցրած, բայց չհանձնված։

Իշխանական դաշտը լուռ է։ Խաղաղության պայմանագրի էջերում Արցախի անունը բացակայում է։ Բայց Արցախի հիշողությունը ջնջված չէ։ Արցախցու կամքը խեղված չէ։

Մարդը, որ կորցրել է տունը, բայց ոչ արժանապատվությունը՝ շարունակում է ապրել։ Ոչ թե որպես փախստական, այլ որպես վերադարձի սպասող։

Քրիստոս հարյավ ի մեռելոց. օրհնյալ է Հարությունը Քրիստոսի

ReArtsakh

–00—ՍՊ