ԵՐԵՎԱՆ, ԱՊՐԻԼԻ 19, 24News

Ռուսաստանը Կիևի կողմից վերահսկվող տարածքից վերադարձրել է 246 ռուս զինծառայողի, իսկ դրա դիմաց Ուկրաինայի զինված ուժերին է փոխանցել 246 ռազմագերի։ Այս մասին հայտնում է Ռուսաստանի պաշտպանության նախարարությունը։

«Ապրիլի 19-ին, բանակցային գործընթացի արդյունքում, Կիևի ռեժիմի կողմից վերահսկվող տարածքից վերադարձվել է 246 ռուս զինծառայող։ Դրա դիմաց փոխանցվել է Ուկրաինայի զինված ուժերի 246 ռազմագերի։ Բացի այդ, որպես բարի կամքի դրսևորում, 31 վիրավոր ռազմագերի է փոխանցվել շտապ բժշկական օգնության կարիք ունեցող 15 վիրավոր ռուս զինծառայողների փոխարեն», – նշել են գերատեսչությունում։

ԱՄԷ-ն միջնորդական ջանքեր է գործադրել ռուս զինծառայողների գերությունից վերադարձման ընթացքում։

–00—ՅՄ