Եթե դուք իսկապես թալանն եք ուզում վերադարձնել, ես կողմ եմ։ Այս մասին այսօր ՀՀ-ում Արցախի ներկայացուցչության դիմաց բողոքի ակցիա իրականացնող մի խումբ արցախցիների հետ զրույցում նշեց Արցախի Հանրապետության նախագահ Սամվել Շահրամանյանը։

«Եթե ձեր ակցիան իրոք իրականում նպատակ ունի վերադարձնել այդ թալանը, ես ողջունում եմ ակցիայի բոլոր մասնակիցներին։ Ես էլ եմ կողմ, որ էդ թալանը պետք ա վերադարձվի մեր ժողովրդին և այդ նպատակով ես գրություն եմ ուղղել ՀՀ գլխավոր դատախազ Աննա Վարդապետյանին, հարուցվել է քրեական գործ ՔԿ-ում և ՀԿ-ում, հարցաքննվել եմ որպես վկա։ Ես տեղյակ եմ ակցիա իրականացնող անձանց պահանջներին, իսկ ինչ վերաբերվում է նրան, որ ես միանամ նրանց, դրա անհրաժեշտությունը չկա, ես ողջունում եմ, որ հանրային ճնշում լինի, որպեսզի հարցը իրավական ճանապարհով լուծվի», – նշել է Շահրամանյանը։

Մանրամասները՝ տեսանյութում։

–00—ԱՊ