Հայաստանը կողմ է քվեարկել ՄԱԿ-ի Գլխավոր ասամբլեայի բանաձևին, որը մեղադրանքներ է պարունակում Ռուսաստանի հասցեին։

«Համագործակցություն ՄԱԿ-ի և տարածաշրջանային ու այլ կազմակերպությունների միջև. համագործակցություն ՄԱԿ-ի և Եվրոպայի խորհրդի միջև» անվանումով փաստաթուղթն ընդունվել է 105 կողմ ձայներով, դեմ է քվեարկել 9 երկիր, այդ թվում՝ ԱՄՆ-ն, 33-ը ձեռնպահ են մնացել։

Նշենք, որ Ադրբեջանն ու Իսրայելը քվեարկությանը չեն մասնակցել։

Բանաձևի նախաբանում խոսվում է «Ուկրաինայի և Վրաստանի նկատմամբ ռուսական ագրեսիայի մասին»։ Բանաձևում հիշատակվում է նաև «Ուկրաինայի դեմ ՌԴ ագրեսիայի հանցագործության վերաբերյալ հատուկ տրիբունալի ստեղծման մասին» աշխատանքը։