ԵՐԵՎԱՆ, ՍԵՊՏԵՄԲԵՐԻ 7, 24News

2023թ. սեպտեմբերի 25-ին Արցախի երկնքում միաժամանակ կրակ ու անձրև էր։ Մարդիկ, ովքեր փորձում էին ընտանիքը տարհանելու համար վառելիք գտնել, կրակի զոհ դարձան։ Քաոս էր բենզալցակայանի պահեստում, հետո արդեն հիվանդանոցում, իր որդուն և փեսային փնտրող մայրը՝ Գայանե Զաքիյանը, 24News-ի «Մարդիկ Արցախից» հաղորդաշարի շրջանակում պատմել է այդ օրերի սարսափի մասին։

«Ոտքով հասա հիվանդանոց, ներս մտա ու սկսեցի կանչել՝ Ռոբա, Սերգեյ, գուցե ձայն հանեին։ Հիվանդանոցի հատակին, նստարաններին վառված, սև, կարմիր, մաշկն արդեն պոկված մարմիններ էին»,-պատմում է տիկին Գայանեն ու հավելում․ «Սերգեյի ձեռքին դաջված խաչով ճանաչեցի, Ռոբը մինչև հիմա անհետ կորած է, զգում եմ՝ մարմինն Արցախում է մնացել»։

Հույսի, սպասումի, ցավի ու Արցախ վերադարձի տեսլականի մասին առավել մանրամասն՝ 24News-ի տեսանյութում։

–00—ԱՊ