ԵՐԵՎԱՆ, ԱՊՐԻԼԻ 30, 24News

ԱԺ անկախ պատգամավորներ Հովիկ Աղազարյանն ու Հակոբ Ասլանյանը, որոնք վերջերս են դուրս եկել ՔՊ-ից, կարող են միանալ «Արթուն ենք» շարժման առաջարկած իմպիչմենտի գործընթացին, եթե վարչապետի թեկնածուն կապ չունենա ՀՀ երկրորդ ու երրորդ նախագահների հետ։ Այս մասին 24News-ի «Հետագիծ Նարեկ Գալստյանի հետ» հաղորդման ժամանակ ասել է Հովիկ Աղազարյանը։

«Մենք չենք մերժում իմպիչմենտի գաղափարը, բայց պետք է հասկանանք, թե ով է վարչապետի թեկնածուն», – ասել է նա։