ԵՐԵՎԱՆ, ԴԵԿՏԵՄԲԵՐԻ 15, 24News
ՌԴ օդանավակայաններում ՀՀ ավիաընկերությունների համար վճարների հետ կապված իրավիճակը կբարելավվի։ Այս մասին ՌԴ և ՀՀ տնտեսական համագործակցության միջկառավարական հանձնաժողովի նիստից հետո ճեպազրույցի ժամանակ հայտարարել է ՌԴ փոխվարչապետ Ալեքսեյ Օվերչուկը:
«Միջկառավարական հանձնաժողովի նիստում շատ կարևոր պայմանավորվածություն է ձեռք բերվել` ներդաշնակեցնել օդանավակայանային և աերոնավիգացիոն սակագներն ու տուրքերը։ Ակնհայտ է, որ դա առավել լավ պայմաններ կստեղծի հայկական ավիաընկերությունների համար, որոնք թռիչքներ են իրականացնում դեպի Ռուսաստան»,-ասել է Օվերչուկը։
--00—ՅՄ